Ferritin — bu organizmda temirni zaxira holatida saqlaydigan asosiy oqsillardan biri hisoblanadi. U asosan jigar, suyak iligi va mushaklarda joylashgan boʻlib, qondagi miqdori orqali organizmdagi temir zaxirasi baholanadi.
Ferritin inson salomatligi uchun juda muhim, chunki temir qon hujayralari — gemoglobin hosil boʻlishida asosiy rol oʻynaydi. Agar ferritin darajasi past boʻlsa, organizmda temir tanqisligi yuzaga kelib, kamqonlik (anemiya) rivojlanishi mumkin.
Ferritinning yetarli darajada boʻlishi energiya almashinuvi, immun tizimi va miya faoliyati uchun ham katta ahamiyatga ega. U organizmni charchoq, bosh aylanishi va diqqat pasayishi kabi holatlardan himoya qiladi.
Agar ferritin kamaysa, insonda tez charchash, soch toʻkilishi, tirnoqlarning moʻrtlashishi va terining rangparligi kabi belgilar paydo boʻlishi mumkin. Ayniqsa, ayollar, bolalar va homiladorlar bu holatga koʻproq moyil boʻladi.
“Zamin”ni Telegramʻda oʻqing!
