Зойир Мирзаев журналист ва блогерлар гувоҳлигида ҳайдовчилик имтиҳонидан ўтди

1 дақиқа ўқиш2.2K
Зойир Мирзаев журналист ва блогерлар гувоҳлигида ҳайдовчилик имтиҳонидан ўтди
Фото: Тошкент вилояти имтиҳон маркази
Тошкент вилояти ҳокими Зойир Мирзаев Оҳангарондаги имтиҳон маркази очилишида ҳайдовчилик бўйича амалий имтиҳон топшириб кўришга қарор қилди ва ундан муваффақиятли ўтди. Вилоят раҳбари рухсат этилган 99 баллдан 85 жарима баллини қайд этди.

Бугун, 9 июн куни Оҳангарон туманида ҳайдовчилик гувоҳномаси учун синовлар ўтказиладиган “Тошкент вилояти имтиҳон маркази”нинг очилиш маросими бўлиб ўтди.

Тадбирда Тошкент вилояти ҳокими Зойир Мирзаев, лойиҳа ташаббускори Комил Алламжонов, ИИВ ЙҲХББ бошлиғининг ўринбосари Мурод Шерлиев, журналистлар ва блогерлар қатнашди.

Тадбир иштирокчиларига ҳайдовчиликдаги билим ва тажрибасини синаб кўриш учун имконият яратилди. Бундан вилоят ҳокими Зойир Мирзаев ҳам четда турмади: у амалий синовда 12 та вазифани бажариб, имтиҳондан ўта олди.
Зойир Мирзаев журналист ва блогерлар гувоҳлигида ҳайдовчилик имтиҳонидан ўтди
Фото: Тошкент вилояти имтиҳон маркази
Вилоят раҳбари имтиҳондан хатосиз ўтди деб бўлмайди: у рухсат этилган максимал 99 дан 85 жарима баллини қайд этди.
Зойир Мирзаев журналист ва блогерлар гувоҳлигида ҳайдовчилик имтиҳонидан ўтди
Фото: Telegram / Xushnudbek Xudoyberdiyev
“Анча йилдан буён рулга ўтирмагандим, адашмасам 1988 йилда имтиҳон топшириб ҳайдовчилик гувоҳномаси олганман. Лекин йўл қоидаларини яхши билиб, кўрсатмаларга амал қилса, бемалол топширса бўлар экан. “Парковка”да сал қийналдим, машина ҳайдаб турмаганим шунда билинди”, – деди Зойир Мирзаев.

“Тошкент вилояти имтиҳон маркази”да ҳайдовчиликка номзодлардан ҳам назарий, ҳам амалий имтиҳонлар инсон омилисиз, тўлиқ автоматлаштирилган тарзда ўтказилади. Бу ерда бир кунда 600 нафардан зиёд номзодлар назарий, 250 дан ортиқ талабгор эса амалий имтиҳонларни топшириши мумкин.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?