Ўзбекистонда 2025 йил бошидан бери 9 ой ичида UzAuto Motors брендига тегишли 141 304 та автомобиль сотилган.
Агар Khorezm Auto остида ишлаб чиқарилаётган Damas ва Labo моделлари ҳам қўшилса, умумий сотув ҳажми 245 141 донага етган.
Бу эса ўтган йилнинг шу даврига нисбатан тахминан 20 фоизга камдир — 2024 йилда 9 ойда 303 373 дона автоулов сотилган эди.
Кузатилаётган йўқотишларга қарамасдан, UzAuto томонидан ҳали бўлмаган даражадаги чегирмалар ва фоизсиз автокредитлар таклиф қилинмоқда.
Шу билан бирга, барча бозордаги сотувларда UzAM улуши ҳам пасайишда давом этяпти.
Агар ўтган йили ҳар 100та сотилган машинанинг 89таси UzAMники бўлган бўлса, бу йил бу кўрсаткич 83тани ташкил этмоқда.
Айни пайтда расмий статистикага норасмий олиб кирилаётган автомобиллар киритилмаган.
Шу сабабли, реал бозорда UzAuto Motors улуши бундан ҳам кам бўлиши мумкин.
Бозорда рақобатчи брендлар улуши ортиб бормоқда.
