Хитойда яширин эшик тутқичлари расман тақиқланди
Хитой 2027 йил 1 январдан бошлаб янги автомобилларда суриладиган, яширин ва “ақлли” эшик тутқичларидан фойдаланишни тақиқлайди. Барча янги транспорт воситалари фақат механик тутқичлар билан жиҳозланиши шарт бўлади. Қарор электроника носозлиги сабаб эшиклар очилмай қолган фожиали йўл-транспорт ҳодисалари ва ёнғинлардан кейин қабул қилинган. Талабларга риоя қилмаган ишлаб чиқарувчилар автомобилларини Хитой бозорида сотиш ҳуқуқидан маҳрум этилади.
Хитой 2027 йил 1 январдан бошлаб автомобилларда суриладиган, яширин ва “ақлли” эшик тутқичларини расман тақиқлайди. Эндиликда барча янги ишлаб чиқариладиган транспорт воситалари фақат механик тутқичлар билан жиҳозланиши шарт бўлади.
Мазкур қарор бир қатор фожиали йўл-транспорт ҳодисалари ва ёнғинлардан сўнг қабул қилинди. Электроника носозлиги сабабли баъзи ҳолларда эшиклар очилмай қолган, натижада одамлар салонда ҳалок бўлган. Мутахассислар бундай тутқичлар инсон ҳаёти учун реал хавф туғдираётганини таъкидлашмоқда.
Бугунги кунда Хитойда машҳур электрокар ва гибрид автомобилларнинг қарийб 60 фоизида айнан яширин турдаги эшик тутқичлари мавжуд. Шу сабаб, бу ўзгариш нафақат техник ечим, балки оммавий хавфсизлик чораси сифатида қаралмоқда.
Янги талабларга риоя қилмаган ишлаб чиқарувчилар автомобилларини Хитой бозорида сотиш ҳуқуқидан маҳрум бўлади.
Изоҳлар 0
…