Норвегияга қочган собиқ вагнерчи полиция томонидан сўроқ қилинади

^{Фото: Darren Bull/CNN}
Reuters агентлигининг Осло полициясига таяниб хабар беришича, Медведев Украинадаги ҳарбий жиноятларда гумон қилинган вагнерчиларни жавобгарликка тортишга ёрдам бериш истагини билдирган ва «баъзи рақамли материаллар»ни топширган.

Шу билан бирга, Медведев Украинадаги уруш юзасидан гувоҳлик беришга мажбур эмаслиги, чунки у фақат давлат чегарасини ноқонуний кесиб ўтганликда гумон қилинаётгани таъкидланади.

Норвегияга қочиб кетган «Вагнер» ХҲК бўлинмаси собиқ қўмондони Андрей Медведев миграция қонунига биноан полиция томонидан қўлга олинганди. Бу ҳақда 23 январь куни Норвегиянинг NRK медиакомпанияси иммиграция полицияси хизмати юридик бўлими раҳбари вазифасини бажарувчи Йон Андреас Йохансенга таяниб хабар берди.

22 январь оқшомида ўз мижозининг қўлга олингани фактини Медведевнинг норвегиялик адвокати Брюньульф Риснес ҳам тасдиқлади. Унинг сўзларига кўра, бу қадамга собиқ вагнерчининг ўзига юкланган барча хавфсизлик чораларига риоя қилишдан бош тортгани сабаб бўлган. NRK маълумотларига кўра, Андрей Медведев бир муддат Осло яқинидаги махфий манзилда яшаган, кейинроқ Трандумдаги депортация марказига кўчирилган.

Медведев 13 январга ўтар кечаси Россиядан Норвегияга қочиб кетган. Скандинавия давлатида у сиёсий бошпана сўради ҳамда «Вагнер» ХҲК эгаси Евгений Пригожин ва ёлланма ташкилотнинг ўзига қарши кўрсатма берди. “Замин” янгиликларини “Telegram”да кузатиб боринг