Google компанияси патент ўғирлиги учун 32,5 млн доллар товон пули тўлайди

Google компанияси «Sonos» компаниясининг ақлли карнайларидан бирининг патентини бузганлиги маълум бўлди.

Verge маълумотига кўра, 2020 йилда «Sonos» компанияси ўзининг патентланган технологияларидан рухсатсиз фойдаланишда Google'ни айблаганидан кейин суд жараёни бошланган.

^{Фото: Калифорния шимолий округи учун Қўшма Штатлар округ суди}

Уч йил давом этган судда «Sonos» компанияси ютиб чиқди. Энди Google компанияси сотилган 14 миллиондан ортиқ маҳсулотларининг ҳар бири учун 2,30 доллардан тўлашга мажбур.