Instagram қироллари: энг машҳур спортчилар қанча обуначига эга?

Ҳозирги вақтда ижтимоий тармоқлар ҳар бир спортчи учун шахсий брендни мустаҳкамлаш, шунингдек, оммавийликни ошириш учун энг қулай воситага айланиб улгурди. Ayniqsa Instagram платформаси дунё юлдузлари ҳаётининг ажралмас қисми ҳисобланади. Шу боис, бугун сиз билан бирга спорт оламидаги машҳур шахсларнинг Instagram саҳифаларига бир назар ташлаб, уларнинг қайси бири энг кўп мухлисларга эга эканини кўриб чиқамиз.

Энг юқори ўринда ким турибди?

Инстаграмда энг кўп кузатувчиларга эга спортчи сифатида футбол юлдузи, португалиялик машҳур ҳужумчи Криштиану Роналду етакчилик қилмоқда. Унинг саҳифасидаги обуначилар сони ажойиб кўрсаткич – 653 миллион кишини ташкил қилади.

Ундан кейин иккинчи ўринни унинг абадий рақиби, аргентиналик афсона Лионель Месси эгаллаган. "Интер Майами"нинг юлдуз футболчиси 505 миллион обуначига эга.

Шу билан бирга, кучли учликни кутилмаган ном – крикет юлдузи Вират Кохли эгалламоқда. Ҳиндистонлик машҳур спортчи 271 миллиондан ортиқ инсоннинг диққат марказида.

Энг машҳур 25 спортчи рейтинги билан танишинг:
1. Футбол | Криштиану Роналду – 653 млн.
2. Футбол | Лионель Месси – 505 млн.
3. Крикет | Вират Кохли – 271 млн.
4. Футбол | Неймар – 229 млн.
5. Баскетбол | Леброн Жеймс – 159 млн.
6. Футбол | Килиан Мбаппе – 123 млн.
7. Футбол | Дэвид Бекхэм – 88,1 млн.
8. Футбол | Роналдиньо – 77,1 млн.
9. Футбол | Карим Бензема – 75,8 млн.
10. Футбол | Марсело – 68,7 млн.
11. Футбол | Серхио Рамос – 65,8 млн.
12. Футбол | Муҳаммад Салоҳ – 64,8 млн.
13. Футбол | Златан Ибрагимович – 63,2 млн.
14. Футбол | Поль Погба – 62,9 млн.
15. Баскетбол | Стефен Карри – 58,1 млн.
16. Футбол | Пауло Дибала – 57,2 млн.
17. Футбол | Винисиус Жуниор – 53 млн.
18. Футбол | Гарет Бэйл – 52,9 млн.
19. Футбол | Хамес Родригес – 52,5 млн.
20. Крикет | Сачин Тендулкар – 50,6 млн.
21. Крикет | Махендра Сингх Дони – 49,7 млн.
22. Футбол | Луис Суарес – 48,6 млн.
23. ММА | Конор Макгрегор – 46,6 млн.
24. Футбол | Зинедин Зидан – 43,9 млн.
25. Крикет | Рохит Шарма – 43,6 млн.

Кимлар етакчи ва кимлар ортда қолмоқда?

Футбол оламининг вакиллари рўйхатда мутлақ кўпчиликни ташкил қилади ва юқори ўринларни эгаллаган. Ҳаммага маълум бўлган юлдузлар – Роналду, Месси, Неймар кабилар топ-5 таликда. Баскетболда Леброн Жеймс ва Стефен Карри каби афсоналар мавжуд бўлса, крикетда эса Вират Кохли ва Сачин Тендулкар каби юлдузлар мухлисларнинг эътибор марказида турибди.

Шу билан бирга, кўпчилик учун сюрприз бўлган ҳолат – бокс юлдузлари бу рўйхатда жой олмаган. Масалан, бугунги кунда машҳур бўлган Тайсон Фьюри, Саул “Канело” Альварес ёки Энтони Жошуа каби афсоналар ҳозирча бу рейтингга кирмаган.

Яқин келажакда спортчиларнинг ижтимоий тармоқлардаги мухлислари сони янада ўсиши шубҳасиз. Бу эса рейтингда катта ўзгаришлар бўлиши мумкинлигини англатади. Шу боис, бу каби қизиқарли рейтингларни доимий кузатиб боришга арзийди! «Замин»ни Telegram’да ўқинг!