Америка Қўшма Штатларининг Нью-Мексико штатида ажабланарли воқеа рўй берди. Данелла Галлегос исмли бемор орган кўчириб ўтказиш жарроҳлиги бошланишига бир неча дақиқа қолганда кутилмаганда комадан чиқди, деб ёзади Pravilamag.
Қиз шошилинч ҳолда касалхонага ётқизилгандан сўнг комага тушган. Бир муддатдан кейин шифокорлар унинг соғайиш эҳтимоли жуда паст эканини айтган ва оила аъзоларига органларни донор сифатида беришини таклиф қилишган.
Амалиёт олдидан қариндошлари қизнинг кўз ёшлари ва тўсатдан ҳаракатларини сезишган. Дастлаб шифокорлар буни фақат рефлекс деб баҳолаган. Бироқ жарроҳликка оз вақт қолганда Галлегос шифокор буйруғига жавоб қайтариб, кўзларини пирпирата бошлаган.
Шу сабабли, гарчи трансплантация координатори операцияни давом эттиришни таклиф қилган бўлса-да, табиблар жарроҳликни бекор қилишга қарор қилишди. Ҳозирда Данелла Галлегос реабилитация жараёнидан ўтмоқда.
«Замин»ни Telegram’да ўқинг!