Япониянинг Тоёаке шаҳри аҳолига кунига икки соатдан ортиқ смартфон ишлатмасликни тавсия қилмоқда. Ушбу ташаббус ҳозирда шаҳар кенгашида муҳокама қилинмоқда.
Шаҳар мери Масафуми Коки айтишича, бу чеклов иш ва ўқиш вақтида қўлланилмайди ва қатъий назорат қилинмайди. Мақсад – аҳолини экран вақтини ўйлаб ишлатишга ундашдир.
Баъзи фаолиятлар, масалан видеоларни томоша қилиш, спорт машғулотлари, онлайн ўқиш ёки э-спорт машқлари икки соат ҳисобига кирмайди. Мернинг айтишича, баъзи талабалар мактабга бормаслик учун, катталар эса уйқу ва оилавий вақтини қурбон қилиш учун смартфонлардан кўп фойдаланмоқда.
Шаҳар кенгаши қоидаларни октабрда тасдиқлаши мумкин. Таклифга кўра, бошланғич синф ўқувчилари соат 21:00дан кейин, катталар ва катта ёшдаги талабалар эса соат 22:00дан кейин қурилмалардан фойдаланмаслиги тавсия этилади.
Аҳоли орасида таклифга муносабат турлича. 120 дан ортиқ шахс шикоят қилган, уларнинг 80 фоизи қарши чиққан, аммо баъзи аҳоли бу ташаббусни қўллаб-қувватлаган.
«Замин»ни Telegram’да ўқинг!
