Трамп ва Ким Чен Ин қуролдан холи зонада учрашиши мумкин

АҚШ президенти Доналд Трамп КХДР етакчиси Ким Чен Ин билан Шимолий ва Жанубий Корея ўртасидаги қуролдан холи зонада учрашиши мумкин. Бу ҳақда Япониянинг Nikkei Asia журнали хабар берди.

Трампнинг Осиё мамлакатлари, жумладан Малайзия, Япония ва Жанубий Кореяга ташрифи давомида қатор учрашувлар ўтказилиши кутилмоқда. У Ҳиндистон бош вазири Нарендра Моди билан Россия нефтини харид қилиш масаласини муҳокама қилади. Шунингдек, Осиё-Тинч океани иқтисодий ҳамкорлиги ташкилоти саммитида ХХР раиси Си Цзинпин билан музокаралар ўтказиши режалаштирилган.

Бундан ташқари, Япониянинг янги сайланадиган бош вазири билан ҳам учрашуви кутилмоқда. Yonhap агентлиги хабар беришича, АҚШ президенти КХДР етакчиси билан ҳеч қандай шартларсиз музокаралар олиб боришга тайёр.

Nigina Zarqarayeva

«ZAMIN.UZ» муҳаррири