Жорий йилнинг 7 октябрь куни Ой Ерга энг яқин нуқтага етиб, 360 минг километрдан камроқ масофада туради. Бу ҳодиса астрономларда “суперой” деб номланади. Бу ҳақда ТАСС 5 октябрь куни хабар берди.
Маълум бўлишича, суперой мини-Ойга нисбатан Ерга деярли 14 фоизга яқинроқ бўлади ва унинг ёрқинлиги тахминан 30 фоизга ошади. 8 октябрга қадар Ой ва Ер орасидаги масофа 360 минг километрга, 23 октябрга қадар эса 406 минг 445 километрга кўтарилади. Ушбу икки объект орасидаги ўртача масофа 384 минг 400 километрни ташкил қилади.
Бундан ташқари, бутун октябрь ойи давомида одамлар Ойнинг улкан сайёраларга яқинлашишини кузатиши мумкин. 13 октябрда Ер Юпитер яқинидан ўтади, 19 октябрь тонгида эса Ой энг ёрқин сайёра – Венера ғарбида кўриниб, ўзига хос қуёш чиқиши эффектларини яратади.
Олимларнинг фикрича, октябрь ойи Сатурнни кузатиш учун ҳам ажойиб фурсатдир. Сайёра жанубий осмонда ярим тунда, уфқдан 30 даражагача баландликда кўринади. 20х ёки ундан каттароқ катталаштириш билан Сатурн ҳалқалари, 100 мм ёки ундан катта диафрагмали телескоплари бор астрономлар эса энг катта йўлдоши – Титанни кўриши мумкин. Кучлироқ телескоплар (250 мм ва ундан катта) орқали бошқа сунъий йўлдошлар ҳам кузатилиши мумкин: Dione, Tethys, Rea, Enceladus ва Iapetus.
Шунингдек, ой давомида қоронғу осмонда иккита комета кўриниши мумкин: C/2025 A6 Lemmon (шимоли-ғарбда) ва C/2025 R2 Swan (жанубий-ғарбда). Orionid метеорит ёмғири эса 21 октябрда энг юқори чўққисига чиқиши кутилмоқда ва очиқ ҳавода соатига бештагача метеор кузатилиши мумкин.
“Zamin”ни Telegram'да ўқинг!
