Италия ҳукумати Россия телебошловчиси Владимир Соловьевнинг баёнотларидан сўнг Москва элчисини Ташқи ишлар вазирлигига чақирди.
Маълум қилинишича, у ўз чиқишларидан бирида Италия бош вазири Жоржа Мелони ҳақида кескин ва ҳақоратли фикрлар билдирган.
Италия ташқи ишлар вазири Антонио Таяни бу баёнотларни жиддий ва қабул қилиб бўлмас ҳолат сифатида баҳолаб, мамлакат номидан расмий норозилик изҳор этган. Шу билан бирга, у Бош вазир Мелонига тўлиқ қўллаб-қувватлаш билдирганини таъкидлаган.
Италия ОАВларига кўра, Соловьев сиёсий танқид доирасидан чиқиб кетган ҳолда ҳақоратли иборалардан фойдаланган. Италия президенти Серджо Маттарелла ҳам ушбу ҳолат юзасидан Бош вазирга қўллаб-қувватлов мактуби йўллаган.
Мазкур воқеа икки давлат ўртасидаги дипломатик муносабатлардаги тарангликни янада кучайтирган.
“Zamin”ни Telegram'да ўқинг!
