Янги Зеландияда ташқи кўриниши билан эътиборни тортган ғайриоддий олма топилди

1 дақиқа ўқиш251
Янги Зеландияда ташқи кўриниши билан эътиборни тортган ғайриоддий олма топилди

Янги Зеландиянинг Чристчурч шаҳрида ташқи кўриниши билан эътиборни тортган ғайриоддий олма топилди. Меванинг бир томони қизил, иккинчи томони эса сариқ рангда бўлиб, гўё икки хил рангга атайлаб бўялгандек кўринади.

Ноёб олма шаҳарнинг Маиреҳау ҳудудида жойлашган “Sunshine Corner Market” дўконига келтирилган “Red Braeburn” навли мевалар орасидан чиқди. Унинг пўстидаги ранглар деярли аниқ чегара билан ажралиб тургани харидорларни ҳайратга солган.

Мутахассислар бундай ноодатий меваларни “химера олма” деб аташади. Бу ҳодиса мева таркибида генетик хусусиятлари турлича бўлган ҳужайралар мавжудлиги билан изоҳланади. Хабарларда бундай олмаларнинг ниҳоятда кам учраши, ҳатто миллионта мева орасидан биттасини топиш ҳам мушкул экани таъкидланган.

Дўкон эгасининг айтишича, у узоқ йиллардан буён мева савдоси билан шуғулланса-да, шу пайтгача бундай олмага дуч келмаган. Унинг ноодатий кўриниши харидорларда катта қизиқиш уйғотган: айримлар суратга тушираётган бўлса, бошқалар уни ўз кўзи билан кўриш учун оила аъзоларини ҳам олиб келмоқда.

Ҳозирда олма янгилигини сақлаш мақсадида совиткичга жойлаштирилган. Дўкон маъмурияти уни ноёб ҳолатда сақлаб қолиш ёки ички қисми ҳам икки хил рангда эканини аниқлаш учун кесиб кўриш борасида ҳали якуний қарорга келмаган.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?