​Канадалик снайпер жангарини 3,5 километрдан отиб ўлдириб, жаҳон рекордини ўрнатди

Канаданинг махсус сара қўшинлари снайпери Ироқда 3540 метр узоқликдан жангарини ўлдириб, жаҳон рекордини ўрнатди, деб хабар берди Darakchi.uz нашри.

Нашрнинг хабар беришича, Joint Task Force 2 (JTF2) қўшини ходими жорий йилнинг май ойида Ироқда “Ислом давлати” террорчилик гуруҳининг жангарисини узоқ масофадан туриб, бир ўқ билан отиб ўлдирган. Канада армияси хавфсизлик нуқтаи назаридан мазкур снайпернинг исм-шарифини, ҳарбий операция бўлиб ўтган жойни ошкор этмади. Мазкур ҳодисани снайпернинг шериги видеога олган.

Рекордчи снайпер McMillan TAC-50 винтовкасидан фойдаланган ҳолда, баланд иншоот устидан туриб, ўқ узган. Олдинги жаҳон рекорди британиялик снайпер Крейг Харрисонга тегишли бўлиб, у 2009 йилда 338 Lapua Magnum винтовкасида 2475 метр масофадан туриб, “Толибон” террорчилик гуруҳи жангарисини отиб ўлдирган эди. «Замин»ни Telegram’да ўқинг!