АҚШ ҳукумати шубҳали фуқароларни паспортларидан маҳрум қила бошлади. Гап АҚШда туғилганини исботлай олмаётган америкаликлар ҳақида кетмоқда, деб ёзмоқда The Washington Post нашри.
Аксарият ҳолларда Мексика билан чегарада туғилганларнинг ҳужжатлари текширилиб, олиб қўйилмоқда. Улар туғилганлик ҳақидаги гувоҳномани алдов йўли билан олганлик ва аслида АҚШ фуқаролари эмасликларида гумон қилинмоқда.
Нашрнинг ёзишича, баъзи вазиятларда гумонланувчилар ноқонуний муҳожирлар сақланувчи турмаларга жўнатилиб, сўнгра депортация қилинмоқда. Бошқалар эса Мексикадан АҚШга қайта олмаяпти, уларнинг паспортлари чегарада олиб қўйилмоқда.
Ҳужжатларидан маҳрум этилганлардан АҚШ ҳудудида яшаш ва ишлашларининг қонунийлигини тасдиқлаш сўралмоқда. Улардан болалар боғчаси ва мактабга борганларининг исботи, чўқинтирилганлари ҳақида сертификатлар, уй-жой ижараси ҳақидаги эски шартномалар талаб қилинмоқда. Бироқ сўралган ҳужжатлар тақдим қилингандан кейин ҳам гумонланувчиларга паспортлари қайтарилишига кафолат йўқлиги айтилмоқда.
АҚШ иммиграция қонунларига кўра, АҚШга ноқонуний кирганликда айбланувчилар дастлаб федерал маршаллар қўлига тушади, сўнгра судга жўнатилади.
Апрелда АҚШ адлия вазири Жефф Сешнс миграция қонунчилигини бузганларга нисбатан “тоқатсизлик” сиёсати бошланганини маълум қилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Толибон» Москвадаги теракт ташкилотчиларини йўқ қилишга ваъда берди
АҚШ расмийлари: Миллионлаб америкаликлар хитойлик ҳакерлар ҳужумига учраган
Россия Ғазога 29 тоннадан ортиқ инсонпарварлик ёрдами жўнатди
Терактдан кейин Россиядаги Тожикистон фуқаролари нафрат ва тажовузга дучор бўлмоқда
Олимлар қашшоқлик миянинг тез қаришига сабаб бўлишини аниқладилар
Эммануэл Макрон: “Украина тез орада қулаши мумкин”
Россия Украинанинг ҳарбий дрон йиғув иншоотларини йўқ қилди
Эрдўғон террорчилар ҳақида кескин гапирди