Паризода 39 ёшини ва тўйининг 16 йиллигини нишонламоқда (видео)

Раққоса Паризода бугун, 19 сентябрь куни ўзи учун икки карра байрам эканини маълум қилди. У айни санада туғилган кунини нишонлаётган бўлса, бундан 16 йил аввал ҳам шу куни турмуш қурган.

Санъаткор ушбу қувончли саналар муносабати билан ижтимоий тармоқдаги саҳифасида носталжик видео билан бўлишди. У видеога изоҳ қолдириб, бугун унинг ҳаётидаги икки муҳим сана бир кунга тўғри келишини таъкидлаган.

“Носталгия. Бугун тўй кунимизга 16 йил бўлибди. Бугун иккита қўша байрам — туғилган куним ва тўй кунимиз”, — дея ёзган Паризода.

Шундай қилиб, раққоса бугун 39 ёшини қарши олаётган бўлса, оилавий ҳаётининг 16 йиллигини ҳам нишонламоқда. Паризоданинг кузатувчилари эса уни ҳар икки сана билан табриклаб, самимий тилакларини билдиришмоқда.