Атамбоев маъмуриятининг собиқ раҳбари ҳибсга олинди

  • 10 август 2019, 22:30
  • 815
  • Дунё
  • Атамбоев маъмуриятининг собиқ раҳбари ҳибсга олинди
    Қирғизистоннинг собиқ президенти Алмазбек Атамбоев маъмуриятининг собиқ раҳбари, унинг яқин маслаҳатчиси Фарид Ниёзов одамларни гаровга олгани учун 8 октябрга қадар қамоққа олинди. Бу ҳақда РИА Новостига таяниб Kun.uz хабар берди.

    "Судья Ниёзовни 8 октябрга қадар қамоққа олиш тўғрисида қарор қабул қилди", - деган агентлик суҳбатдоши.

    7 август кечки пайт Қирғизистон махсус хизматлари Атамбоевни унинг Қўй-Тош қишлоғидаги қароргоҳида қўлга олиш бўйича амалиётни бошлашган. Махсус хизматлар собиқ президентнинг тарафдорларига махсус воситалар қўллашган, Атамбоев тарафдорлари бунга жавобан ўқ узишган.

    8 август куни Қирғизистоннинг собиқ президенти узоқ давом этган музокаралардан кейин куч тузилмаларига таслим бўлган. У маслаҳатчилари Фарид Ниёзов ва Қундуз Жолдубаева ҳамроҳлигида Бишкекка олиб кетилган.

    » » Атамбоев маъмуриятининг собиқ раҳбари ҳибсга олинди