Хитойлик мигрант АҚШга кир ювиш машинаси ичида киришга уринди

  • 11 декабрь 2019, 18:32
  • 785
  • Дунё
  • Хитойлик мигрант АҚШга кир ювиш машинаси ичида киришга уринди
    Фото: U.S. Customs and Border Protection
    АҚШ чегара хизмати ходимлари Қўшма Штатлар ҳудудига ноқонуний йўллар билан киришга уринган 11 нафар хитойликни қўлга олди. Бу ҳақда CNN хабар бермоқда.

    Қайд этилишича, чегарачилар Мексикадан Калифорния штатидаги Сан-Диего шаҳрига кириб келаётган юк машинасини тўхтатган. Унинг ичида 11 нафар хитойлик мигрант бўлиб, улар турли уй жиҳозлари, жумладан, кир ювиш машинаси, сандиқ, жавон ичига яширинган бўлган.

    АҚШ божхона-чегара хизмати маълумотига кўра, мигрантларнинг ҳеч бирига шикаст етмаган. Уларнинг барчаси қўлга олинган.
    Юк машинаси ҳайдовчиси 42 ёшли АҚШ фуқароси бўлиб, у ҳибсга олинган.

    » » Хитойлик мигрант АҚШга кир ювиш машинаси ичида киришга уринди