Фото: iStock
Америкалик тадбиркор Илон Маск Лос-Анжелеснинг нуфузли туманларидан бири - Бел-Эйрда жойлашган уйини 29 млн долларга сотди. Бир ой олдин Маск бутун мол-мулкини сотишга тайёрлигини билдирганди.
The Wall Street Journal нашрининг хабар беришича, уйни хитойлик миллиардер ва NetEase компанияси асосчиси Уильям Лэй Дин билан боғлиқ компания сотиб олган.
Уй май бошида 30 млн доллар нарх билан сотувга қўйилган. Таъкидланишича, уй сотилиши ҳақидаги эълонда у эгаси томонидан сотилиши айтилган. Бу эса Маск уйни сотишда агент хизматларидан фойдаланмаганини англатиши мумкин.
Май ойида Маск бутун мол-мулкини, жумладан кўчмас мулкини сотиши мумкинлигини айтган. “Мен бутун мол-мулкимни сотаман. Менинг ўз уйим ҳам бўлмайди”, деб ёзганди тадбиркор Twitter’да.
Кейинроқ у бу хабарига қўшимча бир нечта сирли твитларни қолдирган. Жумладан, у “Озодлик” деб қўшимча қилган.
Маск уйни 2012 йилда 17 млн долларга Canyon Capital Advisors хеж-фонди асосчиларидан бири Митчел Жулисдан сотиб олган. Таъкидланишича, бу тадбиркорнинг ушбу туманда жойлашган 6 та кўчмас мулк объектидан бири ҳисобланади. Ушбу объектлардан бири Маскнинг фарзандлари учун мактаб сифатида қўлланади.
7 та ётоқхонага эга уй 1990 йилда қурилган ва кейинчалик анчагина реконструкция қилинган. Уй ҳудудида 2 қаватли кутубхона, теннис корти, спортзал, сув ҳавзаси, боғ ва 5 та автомобилга мўлжалланган гараж мавжуд.
Манба: Kun.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади