Озарбойжон Россиянинг Ми-24 вертолётини уриб туширгани учун узр сўради

^{Фото: Арманистон ФВВ}
Арманистонда Россиянинг Ми-24 жанговар вертолёти Озарбойжон томонидан тасодифан уриб туширилди. Боку Россия томонидан узр сўрайди ва компенсация тўлашга тайёр. Бу ҳақда Озарбойжон ташқи ишлар вазирлиги баёнотида айтилмоқда.

Қайд этилишича, вертолёт Арманистон-Озарбойжон чегарасига жуда яқин ҳудудда, сутканинг қоронғи вақтида, юқори бўлмаган баландликда, радарларнинг аниқлаш ҳудудидан ташқарида парвоз қилган ҳамда ушбу ҳудудда Россия қуролли кучларининг вертолётлари илгари кузатилмаган.

"Юқоридаги омиллар ҳамда минтақадаги кескин вазият ва Арманистон томонидан бўладиган эҳтимолий иғвогарликларга қарши юқори даражадаги тайёргарлик сабабли навбатчи қисм томонидан ўт очиш қарори қабул қилинган", - дейилади баёнотда.

Озарбойжон ушбу ҳодиса муносабати билан Россия томонидан узр сўраган.

"Озарбойжон томони ҳалок бўлган экипаж аъзоларининг оилаларига чуқур таъзия билдиради ва жароҳатланганларнинг тезроқ соғайишларини тилайди. Озарбойжон томони тегишли компенсация тўлашга тайёрлигини маълум қилади", - дея таъкидланади ТИВ баёнотида.

Аввалроқ Россия қуролли кучларига тегишли Ми-24 вертолёти Арманистон-Озарбойжон чегарасида кўчма зенит-ракета мажмуасидан уриб туширилгани хабар қилинганди.

Вертолёт Арманистон ҳудудига қулаган. Икки нафар экипаж аъзоси ҳалок бўлган, яна бир аъзоси ярадор ҳолда эвакуация қилинган. Вертолёт Россиянинг Арманистондаги ҳарбий базаси автоколоннасини базага кузатиб бораётган бўлган.

Россиянинг Арманистондаги 102-ҳарбий базаси Гюмри шаҳрида жойлашган. Келишувга кўра, ҳарбий база бу ерда 2044 йилгача қолади. “Замин” янгиликларини “Telegram”да кузатиб боринг