20:43 / 16.12.2020
5 737

Покистонда аёлларни зўрлаганлар кимёвий ахталанади

Покистонда аёлларни зўрлаганлар кимёвий ахталанади
Фото: «Africa.zen.yandex.com»
Покистон президенти Ариф Алви номусга тегишга қарши фармонни маъқуллади. Унга кўра зўрлаш бўйича суд иши тез ҳал этилади ва жиноятчиларни кимёвий ахталашга рухсат берилади, деб ёзади маҳаллий «Dawn» газетаси.

ОАВнинг маълум қилишича, жиноятчиларни ахталаш уларнинг розилигисиз амалга оширилади. Борди-ю, рад этадиган бўлишса, ўлим жазоси, умрбод қамоқ ёки 25 йилга озодликдан маҳрум этиш жазоси тайинланади.

Нашрнинг ёзишича, мамлакат бўйлаб аёллар ва болаларни зўрлаш бўйича суд ишларини тезлаштириш учун махсус судлар ташкил этилади. Судлардан бундай ишларни тўрт ой ичида кўриб чиқиб, қарор қабул қилиш талаб этилади.

Фармонда, шунингдек, жинсий жиноят содир этган шахслар тўғрисида маълумотлар базасини яратиш кўзда тутилган. Жабрланувчиларнинг маълумотларини ошкор қилиш тақиқланади ва бу жиноий жавобгарликка сабаб бўлади. Бундай ишларни текширишда масъулиятсизликка йўл қўйган полиция ва амалдорлар уч йилга озодликдан маҳрум қилиниб, жаримага тортилади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Покистонда аёлларни зўрлаганлар кимёвий ахталанади