Фото: «ТАСС»
Алексей Навальний норозилик сифатида эълон қилган очлигини тўхтатди. У ушбу қарорини Instagram’даги саҳифасида фуқаролик тиббиёт ходимлари текширувидан ўтгани ва даволовчи шифокорлар очликни бекор қилишни тавсия этгани ҳақида пост қолдирган.
«Мени икки марта фуқаролик тиббиёти ходимлари консилиум қилиб текширувдан ўтказди. Охирги марта митинглар олдидан кўрикдан ўтдим. Мени текширишади ва таҳлиллар жавоби ҳамда якуний тиббиёт хулосасини беришади», — дейилади хабарда.
Навальнийнинг сўзларига кўра, у ишонган шифокорлар уни очликни тўхтатишга ишонтира олган.
«Уларнинг сўзларига кўра, таҳлиллар натижаси бўйича агар мен очликни давом эттирсам, қисқа вақтдан кейин шифокорлар даволайдиган одамнинг ўзи бўлмаслиги мумкин. Менимча, ўзимга етарли даражада эътибор қарата олдим», — дея қўшимча қилган Навальний.
Шунингдек, Навальний ўзидан кейин очлик эълон қилган одамлар, хусусан, «Беслан оналари» вакиллари ҳақида хабар топгани учун ҳам шундай қарорга келганини тушунтирди.
Навальний қўл ва оёғининг айрим қисмларида сезувчанлик қобилияти йўқолганининг сабабини билиш учун бу борада малакага эга шифокорни ўз ёнига киритишларига ҳали ҳам қаршилик борлигини маълум қилган.
«Ҳолатим яхшиланганини инобатга олиб, очликни бекор қилишни бошлайман», — деган у.
Навальний 31 мартда очлик эълон қилганди. У мазкур қарорини соғлиғи ёмонлашганига қарамай ёнига фуқаролик тиббиёти тизимидаги шифокорлар киритилмаётганига норозилик дея изоҳлаган. Россия президенти Владимир Путиннинг матбуот хизмати Навальнийнинг очлик эълон қилишига изоҳ беришдан бош тортган.
21 апрелда Россияда «Навальнийга озодлик» номли норозилик намойишлари ўтказилди. Сиёсатчининг тарафдорлари Навальнийнинг шифокорлари унинг соғлиғи ёмонлашганини хабар қилганидан кейин мамлакатдаги одамларни кўчаларга чиқиб, норозилик намойишларини ўтказишга чорлади. Шифокорларнинг маълумотидан кейин Россия прокуратураси Навальнийга алоқадор ташкилотларни экстремистик гуруҳлар рўйхатига киритишни талаб қилган.
«ОВД-Инфо» берган маълумотларга кўра, Россиянинг 99 та шаҳрида ўтказилган норозилик намойишларидан кейин 1900 нафардан зиёд одам ҳибсга олинган. Аввал Бутун Россия бўйлаб Навальнийни қўллаб-қувватлаб ўтказилган акцияларда 1700 га яқин одам ҳибсга олингани хабар қилинганди. Энг кўп, яъни 825 нафар киши Санкт-Петербургда ҳуқуқ-тартибот идораларининг ходимлари томонидан ушланган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
