2 543
Ашраф Ғани толиблар билан тинчлик сулҳи тузиладиган бўлса, президентликдан воз кечишга тайёрлигини билдирди
Фото: Reuters
Афғонистон президенти Ашраф Ғани агар "Толибон" ҳаракати билан тинчлик, ўтиш ҳукуматини шакллантириш ва сайловлар ўтказилиши тўғрисида келишувга эришиладиган бўлса, президентликдан воз кечишга тайёрлигини билдирди.
"Мен мамлакатда тинчлик ўрнатилиши тарафдориман. 2018 йил февралда "Толибон"га сулҳ тузишни таклиф қилгандим. Менинг ҳукуматим ҳали ҳам "Толибон" билан музокара ўтказишга тайёр. Тинчлик таъминланадиган бўлса, мен ҳам муддатидан аввал лавозимимдан кетишга тайёрман", деб ёзди у Foreign Affairs журналида чоп этилган мақоласида.
Ғанининг фикрича, сиёсий барқарорликка эришиш учун биринчи навбатда толиблар билан ўт очишни тўхтатишга келишиб олиш лозим. Сўнгра "томонлар президент, парламент ва маҳаллий сайловларни ўтказиш тартибини режалаштирувчи ўтиш ҳукуматини шакллантириш масаласини муҳокама қилиши ва қарор қабул қилиши керак".
"Бу сайловларда номзодимни илгари сурмайман ва президентлик муддати якунлангунига қадар лавозимимни тарк этаман", - деб ишонтирди у.
Ашраф Ғанининг сўзларига кўра, "президент Жо Байденнинг Афғонистондан америкалик ҳарбийларни олиб чиқиб кетиш тўғрисидаги қарори мамлакат ва унинг қўшнилари учун бурилиш даври ҳисобланади".
Афғонистон президентининг фикрича, АҚШ ва унинг қўшинларининг олиб чиқиб кетилиши "афғон халқига ҳақиқий суверенитетга эришиш имкониятини беради". “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
АҚШнинг Суриядаги ҳарбий базасига ракеталар ҳужум қилди
Damas учун онлайн контрактация очилади
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди