14:30 / 24.10.2021
877

АҚШ Тожикистондаги афғон учувчиларини тезроқ олиб кетмоқчи

АҚШ Тожикистондаги афғон учувчиларини тезроқ олиб кетмоқчи
АҚШ айни пайтда Тожикистонда қолаётган афғонистонлик учувчиларни иложи борича тезроқ кўчирмоқчи, дея хабар беради “Рейтер” агентлиги.

Афғонистонлик 143 нафар учувчи ва 13 нафар бошқа ҳарбий хизматчи икки ойдан ортиқ вақтдан бери Душанбе яқинидаги санаторийда яшаяпти. АҚШ Давлат департаменти вакили “Рейтер” билан суҳбатда афғонистонлик учувчилар бирданига кўчирилиши айтган, бироқ тафсилотларни ошкор қилмаган.

Афғонистонлик учувчилар 15 август куни, толиблар Кобулга кириб борганидан кейин мамлакат ҳарбий ҳаво кучларига тегишли 17 та самолётда Тожикистоннинг Бохтар шаҳрига келган. 1 сентябрь куни улар Душанбе яқинидаги санаторийга жойлаштирилди.

Учувчилар АҚШ томонидан эвакуация қилинишни кутган эди, бироқ эвакуация бир неча бор кечиктирилди, тожик томони эса ҳеч қандай маълумот бермаяпти.

“Толибон” Тожикистонга қочган учувчилар ватанига қайтса, жазога тортилмаслигини айтган, бироқ учувчилар толибларга ишонмаяпти.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » АҚШ Тожикистондаги афғон учувчиларини тезроқ олиб кетмоқчи