Кушон қандай маҳсулот ва ундан қандай фойдаланиш керак?

^{Фото: Marie Claire}
Кореяда ҳар олти сонияда битта кушон маҳсулоти сотилади ва корейс аёлларининг учдан биридан кўпроғи ушбу маҳсулотни том маънода яхши кўради. Marie Claire кушон қандай маҳсулот ва нима учун уни косметик сумкада бўлиши кераклигини маълум қилди.

Бу сўзнинг ўзи француз тилидан «ёстиқ» деб таржима қилинган. Маҳсулотнинг ичида ҳар доим румянали консилер ва спонж мавжуд. Апликатор билан спонж босилганда, ундан керак бўлган маҳсулот чиқарилади — кўп ҳам, кам ҳам эмас. Шунинг учун қўллар бутунлай тозалигича қолади, чунки бармоқлар маҳсулотга тегмайди, у ўз тозалигини сақлаб қолади ва бактерия ҳамда микроорганизмлардан тўлиқ ҳимояланади.

Кушонни нима учун яхши кўришади?

Бу қулайликни қадрлайдиган ва доимий ҳаракатда яшайдиганлар учун ҳақиқий топилма. Кушон — шунчалик ихчамки, улар ҳатто клатчга ҳам осонгина жойлаш мумкин. Шунингдек, қўлдан тушиб кетганда ҳам синиб ёки тўкилиб кетмайди. Бундан ташқари, ундан ҳар қандай жойда фойдаланиш мумкин.

Бу макияжда юришга одатланганлар учун жуда қулай маҳсулот. Исталган кўринишга келмагунча, уни қайта-қайта қўллаш мумкин. Шундай қилиб, вазиятни назорат қилиш бутунлай ўз қўлингизда. Айтганча, бу воситага кейинчалик чўтка ёки бюти-блендери билан ишлов бериш мумкин, агар бунда учинчи томон аралашуви керак бўлса.

Агар кун давомида терини яхши намлантириш керак бўлса, кушон бунинг учун айни муддао. Кукундан фарқли ўлароқ, у терини умуман қуритмайди ва, қоида тариқасида, композицияда кўплаб намловчи модда ва суюқлик топиш мумкин. Бундан ташқари, ушбу маҳсулотларнинг аксарияти қуёшдан ҳимоя қилишни кучайтириш учун SPFли таркибга эга.

Кушон маҳсулоти ҳар доим табиий кўринади ва юзда «ниқоб» эффектини яратмайди. Ҳатто бундай воситани биринчи марта қўллаганларда ҳам юз терисида муаммоли жойлар қолмайди.

Кушон фақатгина тонал восита эмас. Бугунги кунда у кўз, лаб ва ҳатто ёноқлар учун маҳсулотларни ўз ичига олади. Улар юмшоқ тюбикларда бўлиб, қўл тегишидан ҳимоя қиладиган ва маҳсулот миқдорини тўғри дозалаш учун янада қаттиқроқ губкани ўз ичига олади. Маҳсулотнинг махсус губка ёрдамида юз терисига суртиш янада осон. «Замин» янгиликларини «Вконтакти»да кузатиб боринг