Машҳур хонанда Муниса Ризаева аёллар учун муҳим маслаҳатлар бериб, қандай эркаклардан узоқроқ юриш кераклигини таъкидлади. У видеомурожаати орқали қизларга номуносиб инсонлар билан муносабат ўрнатмасликни тавсия қилди.
Ҳурматсизлик ва айблашга мойил эркаклар
Видео лавҳалардан бирига кўра, Муниса Ризаева шундай эркаклардан эҳтиёт бўлиш кераклигини айтди: "Кечаги кун учун кечир, лекин сен мени ғазаблантирдинг. Агар ўзингни шундай тутмаганингда, ҳеч нарса бўлмаган бўларди!". Бундай иборалар муносабатда айблашга мойил инсонлар борлигини кўрсатади. Муниса бундай муносабатдан узоқроқ бўлишни маслаҳат беради.
Хатосини тан олмайдиганлар
Ризаева видеода: "Хатойингни тушунмагунингча сен билан гаплашмайман" деб таъкидлаган. Бу шундай эркаклар ҳақидаки, улар ўз хатосини англаш ва тан олиш ўрнига, муносабатдаги муаммоларни рад этишга мойил бўлади. Мунисага кўра, бундай шахслар билан муносабатлар аёл кишининг руҳиятига салбий таъсир кўрсатиши мумкин.
Психологик босим ўтказадиганлар
Бошқа бир лавҳада у: "Бошимни қотирма, миямни ачитвординг, тўйдирдинг" деб айтади. Бу инсонларнинг сўзлари орқали муносабатда психологик босим ўтказиши ва аёлларни ҳурматсизлик билан камситиши мумкинлигини кўрсатади. Бундай муносабатдан эҳтиёт бўлиш керак.
Ҳурматли ва муносиб эркакларни танлаш керак
Муниса Ризаева видеони "Қизлар, ўзингиз учун муносиб эркакларни танланг" деб якунлади. Бу, аёллар ўзларини ҳурмат қиладиган, севиб-асрайдиган ва муносабатда тенг ҳуқуқлиликка амал қиладиган инсонларни танлаши лозимлигини билдиради.
Муниса Ризаева бу маслаҳатлари орқали аёлларни соғлом ва бахтли муносабатларга интилишга чорлайди. Унинг маслаҳатлари кўплаб аёлларга керакли йўналиш беради деб ишонилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
