Хитойлик ва АҚШлик халқаро тадқиқотчилардан иборат илмий гуруҳ чойни мунтазам истеъмол қилиш жигар саратони хавфини камайтиришга таъсир қилишини аниқлади. Тадқиқот натижалари Nutrients журналида чоп этилди.
Тадқиқотда жигар саратони билан оғриган 2000 нафар бемор ва касал бўлмаган 8000 га яқин инсон иштирок этди. Ушбу тадқиқотда иштирокчиларнинг кундалик одатлари, жумладан чой ичиш, гепатит B ва C вируслари мавжудлиги, спиртли ичимликларни истеъмол қилиш, чекиш ва ичимлик суви сифатини солиштирилиб кўрилди. Тадқиқот натижаларига кўра, мунтазам чой ичган одамларда жигар саратони касаллигига чалинганлар сони ичмайдиганларга нисбатан 49 фоизга кам бўлган.
Шунингдек, чой ичишни ташлаган кишиларда хавф бир оз ошгани кузатилди. Таъкидлаш жоизки, чой ичишнинг ҳимоя таъсири, айниқса, спиртли ичимликларни истеъмол қилганлар орасида сезиларли бўлди. Чой ичиш жигар саратони хавфини деярли икки баравар камайтиришга сабаб бўлган. Тадқиқот муаллифлари чой таркибидаги антиоксидантлар ва полифенолларнинг бу жараёнларда асосий рол ўйнашини таъкидлашмоқда.
Бунга қўшимча, тадқиқотчилар чойнинг гепатит B га қарши эмлаш, спиртли ичимликлардан воз кечиш ва хом сув ичиш каби тасдиқланган профилактика усулларининг ўрнини боса олишини айтмади. Шунингдек, мунтазам чой истеъмол қилиш, айниқса, юқори хавф гуруҳидаги одамлар учун жигар саратони касаллиги хавфини камайтиришнинг арзон ва самарали усули бўлиши мумкин.
“Zamin”ни Telegram'да ўқинг!
