12:00 / 26.04.2020
5 674

Саҳарликда нима кўпроқ истеъмол қилиш кераклиги айтилди

Саҳарликда нима кўпроқ истеъмол қилиш кераклиги айтилди
Инсон саломатлиги ва қандай озиқланиши зарурлиги борасида тадқиқотлар олиб борган олимлар рўза ва саҳарлик дастурхони масаласида ҳам ўз хулосаларини баён қилганлар. Бу ҳақда Тошкент шаҳар ҳокимлиги матбуот хизмати каналида маълум қилинди.

Уларнинг фикрига кўра, саҳарлик дастурхони оқсилларга бой бўлиши керак. Хусусан, гўшт, ёғлар ва сабзавотлардан тайёрланган таомлардан иборат бўлиши лозим.

Гўшт инсон организмида 16 соат давомида парчаланади. Димланган қўй гўшти, қовурилган жўжа, сабзавотли қуймоқлар кишини тўқ тутади.

Аммо уларни иложи борича гуруч ва нон маҳсулотларидан алоҳида истеъмол қилган маъқул. Гуруч ва нон каби крахмал ва углеводларга бой маҳсулотлар ошқозонда ишқорий муҳит яратилишини талаб қилади. Аммо оқсилларни парчаловчи пепсин ферменти ишқорий муҳитда кучини йўқотади.

Демак, икки хил озуқа гуруҳига мансуб маҳсулотларни парчаловчи ферментлар бирга ишлай олмайди, бу эса ошқозонга тушган овқатнинг бижғишига олиб келади. Натижада қорин дам бўлиши, жиғилдон қайнаши каби ҳолатлар вужудга келади.

Бундан ташқари, харид қилаётган маҳсулотларимиз, хусусан гўштнинг ҳалол-покиза инсонлар етиштиргани, рўзадорнинг танасига соф қувват беришига алоҳида аҳамият бермоқ лозим.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ҳаёт учун » Саҳарликда нима кўпроқ истеъмол қилиш кераклиги айтилди