22:13 / 26.08.2020
2 817

Ялпизли чой ичишни бошлаш учун 6 сабаб

Ялпизли чой ичишни бошлаш учун 6 сабаб
Фото: «kulina.ru»
Чойга турли хил ширинликлар қўшиб ичиш одат тусига кириб қолган. Гарчи унинг зарарли томонлари мавжуд бўлса ҳам. Лекин айнан ялпизли чой ичиш камдан кам учрайдиган ҳолат. Бундай фойдали чой ичишни бошлаш учун унинг ўзига хос хусусиятлар билан танишинг.

Овқат ҳазм қилиш тизимига таъсир кўрсатади
Ялпизли чой танадаги шишни ва ошқозон бузилишининг олдини олади. Сўнгги тадқиқотлар шуни кўрсатдики, ушбу экстракт тана аъзоларини бўшаштиради ва организмда мавжуд бўлган оғриқ, спазмни кетказади. Таъкидланишича, 4 ҳафта мобайнида ялпизли чой қабул қилиш овқат ҳазм қилиш тизимидаги муаммоларни 40 фоизга камайтиради. Бундан ташқари, ялпизли капсулалар кимёвий терапия билан шуғулланадиган беморларда кўнгил айнишининг олдини олади, шунингдек, бошқа сабабларга кўра кўнгил айниши кузатилаётган одамларга ҳам жуда фойдали.

Бош оғриғи ва мигренни камайтиради
Ялпиз мушакларни бўшаштириш ва босимни пасайтириш, ҳар қандай турдаги бош оғриғига қарши курашда яхши ёрдамчи саналади. Шунингдек, ялпиз мойини чаккага суриш орқали қон босимини кўтариш мумкин. Бу қуйи қон босими эгалари учун ажойиб ечимдир.

Қувват манбайини оширади
Тадқиқотлар натижасида ялпизли чой ичиш асаб тизимига ижобий таъсир ўтказиши, қувватни ошириши ҳамда кундузги уйқучанликнинг олдини олиши аниқланди.

Вазн ташлашда ёрдам беради
Таркибида калория ва кофеин бўлмаган ялпизли чой тетиклаштирувчи хусусиятга ҳам эга. Бирозгина иштаҳани бўғиши натижасида ортиқча вазн билан курашиш имконияти пайдо бўлади.

Диққатни жамлашни яхшилайди
Фикрлаш, диққатни жамлашда қийинчиликка учрайдиганлар учун ялпизли чой ажойиб ечим. Шунингдек, чой хотирани мустаҳкамлаш ва реакциянинг тезлашишига ижобий таъсир ўтказади.

Юқумли касалликларга қарши курашади
Ялпизли чой бир қанча бактерияларга – стафилококк, сальмонелла ва листерияга қарши курашда ёрдам беради. Шунингдек, ялпиз микроорганизмларнинг кўпайишининг олдини олади, оғиз бўшлиғини қисман зарарсизлантириб, нафас олиш йўлини ҳам тозалайди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)