Миллий статистика қўмитасининг дастлабки маълумотларига кўра, 2025-йилнинг январ-август ойларида Ўзбекистонда кўрсатилган бозор хизматлари ҳажми 628,7 трлн сўмга етган. Бу кўрсаткич 2024-йилнинг шу даврига нисбатан 123 трлн сўмга ошган бўлиб, 13,7 фоизга ўсди.
2024-йилнинг январ-август ойларида хизматлар ҳажми 505,8 трлн сўмни ташкил қилиб, ўсиш суръати 113,2 фоизни ташкил этган.
2025-йилнинг таҳлил қилинган даврида аҳоли жон бошига кўрсатилган бозор хизматлари ҳажми 16,7 млн сўмга етган бўлиб, ўтган йилнинг шу даврига нисбатан 11,5 фоизга ўсди.
Шунингдек, 2025-йилнинг январ-август ойларида кичик тадбиркорлик субъектлари томонидан кўрсатилган бозор хизматлари ҳажми 344,9 трлн сўмни ташкил қилиб, умумий бозор хизматлари ҳажмининг 54,9 фоизини эгаллади.
