Ўзбекистон Республикаси Марказий банки томонидан эълон қилинган олтин қуймаларига оид кунлик сотув нархлари бўйича мониторинг натижалари шуни кўрсатмоқдаки, 2025-йил октябр ойининг навбатдаги иш ҳафасида олтин нархи пасайган. Ҳафталик таҳлилга кўра, бир грамм олтин нархи умумий ҳисобда 106 800 сўмга пастлаган. Бу эса энг кичик 5 граммлик олтин қуйманинг нархи 534 000 сўмга арзонлашганини билдиради.
Кунлик ўзгаришлар қуйидагича бўлди (1 грамм олтин учун):
Душанба: −42 400 сўм
Сешанба: +20 800 сўм
Чоршанба: −73 400 сўм
Пайшанба: −41 800 сўм
Жума: +30 000 сўм
Мутахассисларнинг фикрича, глобал геосиёсий вазият, халқаро молия бозорларидаги ўзгаришлар ва валюта курсларининг тебранишлари Ўзбекистон олтин нархларига бевосита таъсир кўрсатмоқда. Шунингдек, аҳолининг инвестицион мақсадларда олтин қуймаларини харид қилишга бўлган қизиқиши нархларга қўшимча босим сифатида таъсир этмоқда.
“Zamin”ни Telegram'да ўқинг!
