Қамоқхонада маҳбуслар учун ҳашаматли хоналар топилди

1 дақиқа ўқиш18.3K
Қамоқхонада маҳбуслар учун ҳашаматли хоналар топилди

Индонезияда оддий камералардан бутунлай фарқ қиладиган, маҳбуслар учун махсус жиҳозланган ҳашаматли хоналар аниқланди. Ҳодиса ортидан қамоқхонанинг беш нафар раҳбар ходими лавозимидан четлатилди.

Маълум бўлишича, воқеа Жакарта яқинидаги Богор шаҳрида жойлашган «Cibinong» қамоқхонасида содир бўлган. Мамлакат Омбудсмани вакиллари 23 сентябрь куни ўтказган кутилмаган текширув давомида оддий камералардан алоҳида жойлашган 10 дан ортиқ тураржойни аниқлаган.

Текширувчилар ушбу хоналарда оддий қамоқхона шароитига хос бўлмаган қулайликларга дуч келган. У ерда катта ётоқлар, кондиционерлар, телевизорлар, диванлар, музлаткичлар ва овқатланиш учун алоҳида жойлар бўлган.

Энг эътиборли жиҳати, мажмуада спорт зали ва гольф симулятори ҳам барпо этилаётгани маълум бўлган. Текширув пайтида айрим маҳбуслар мазкур тураржойларда бўлгани аниқланган.

Индонезия Иммиграция ва жазони ижро этиш вазирлиги бош инспектори Руди Сетиаваннинг маълум қилишича, ҳолат юзасидан ўнлаб маҳбуслар ва қамоқхона ходимлари сўроқ қилинган. Текширув натижасида беш нафар раҳбар, жумладан, «Cibinong» қамоқхонаси бошлиғи ҳам лавозимидан четлатилган.

4 гектар майдонни эгаллаган қамоқхонада коррупция ва бошқа оғир жиноятлар учун жазо ўтаётган маҳбуслар ҳам сақланади. Ҳашаматли хоналардан айнан қайси маҳбуслар фойдалангани ҳозирча расман маълум қилинмаган.

Текширувчиларнинг айтишича, мазкур бинолар дастлаб қамоқхона ходимлари учун хизмат уй-жойи сифатида қурилган. Энди уларнинг маҳбуслар учун рухсатсиз тураржойга айлантирилгани ва бундай имтиёзлар эвазига пул берилган-берилмагани ўрганилмоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?