Ўзбекистоннинг асосий савдо ҳамкорлари қайси давлатлар?
Ўзбекистоннинг ташқи савдо айланмаси 72,8 миллиард АҚШ долларига етиб, ўтган йилнинг шу даврига нисбатан 21,8 фоизга ошди. Экспорт 30,9 миллиард долларни, импорт эса 41,9 миллиард долларни ташкил этди. Мамлакат 210 та давлат билан савдо-иқтисодий алоқаларни амалга оширмоқда. Ташқи савдода энг катта улуш Хитойга (20,1 фоиз) тегишли бўлиб, кейинги ўринларни Россия (16,2 фоиз), Қозоғистон (6 фоиз), Туркия (3,7 фоиз) ва Корея Республикаси (2,2 фоиз) эгаллаган.
Ўзбекистоннинг ташқи савдо айланмаси 72,8 миллиард АҚШ долларига етди. Бу кўрсаткич ўтган йилнинг шу даври билан таққослаганда 13 миллиард долларга ёки 21,8 фоизга ошган.
Таҳлилларга кўра, мамлакат ташқи савдосида импорт ҳажми ҳали ҳам экспортдан юқори бўлиб қолмоқда. Жумладан, экспорт 30,9 миллиард долларни ташкил этиб, йиллик ҳисобда 26,2 фоизга ўсган. Импорт эса 41,9 миллиард долларга етган бўлиб, 18,7 фоизлик ўсиш қайд этилган.
Айни пайтда Ўзбекистон дунёнинг 210 та мамлакати билан савдо-иқтисодий алоқаларни амалга оширмоқда. Ташқи савдо айланмасида энг катта улуш Хитой ҳиссасига тўғри келиб, у умумий савдонинг 20,1 фоизини ташкил этмоқда. Иккинчи ўринда Россия (16,2 фоиз), ундан кейин Қозоғистон (6 фоиз), Туркия (3,7 фоиз) ва Корея Республикаси (2,2 фоиз) жой олган.
Изоҳлар 0
…