Андижон кийим саноатида рекорд кўрсаткич қайд этди
2025-йилда Андижон вилоятида 19,7 триллион сўмлик кийим-кечак маҳсулоти ишлаб чиқарилиб, вилоят республикада етакчи бўлди. Миллий статистика қўмитаси маълумотларига кўра, мамлакат бўйича йирик корхоналар 43,1 триллион сўмлик маҳсулот ишлаб чиқарган ва бу 2024-йилга нисбатан 21,7 фоизга кўп. Андижоннинг ушбу соҳадаги улуши умумий ишлаб чиқариш ҳажмининг қарийб 46 фоизини ташкил этди. Эротиске
Ўзбекистоннинг йирик саноат тармоқларидан бири бўлган кийим-кечак ишлаб чиқаришда Андижон вилояти 2025 йилда мутлақ етакчилик қилди. Миллий статистика қўмитаси маълумотларига кўра, ўтган йили мамлакат бўйлаб йирик корхоналар томонидан 43,1 триллион сўмлик кийим-кечак маҳсулоти ишлаб чиқарилган.
Бу кўрсаткич 2024 йилга нисбатан 21,7 фоизга ўсишни кўрсатмоқда. Мазкур саноатнинг энг катта ҳиссаси эса Андижон вилоятига тўғри келмоқда — бу ерда 19,7 триллион сўмлик маҳсулот тайёрланган.
Вилоятлар кесимидаги ишлаб чиқариш ҳажми қуйидагича:
- Андижон вилояти — 19,7 трлн сўм
- Наманган вилояти — 3,9 трлн сўм
- Тошкент вилояти — 3,6 трлн сўм
- Тошкент шаҳри — 2,9 трлн сўм
- Фарғона вилояти — 2,8 трлн сўм
- Навоий вилояти — 2,1 трлн сўм
- Қашқадарё ва Бухоро вилоятлари — 1,8 трлн сўмдан
- Қолган вилоятлар — 1 триллиондан кам ҳажмда
Кўриниб турибдики, Андижон вилоятининг бу соҳадаги улуши республика бўйича умумий кўрсаткичнинг қарийб 46 фоизини ташкил қилмоқда. Бу эса вилоятнинг тикувчилик ва енгил саноат борасидаги салоҳияти, ишчи кучи ва ишлаб чиқариш қувватларининг юксак даражада эканлигини кўрсатади.
Изоҳлар 0
…