Ўзбекистоннинг олтин захиралари қиймати рекорд даражага етди
2026 йилнинг 1 март ҳолатига кўра, Ўзбекистон олтин захиралари қиймати 67,7 миллиард долларга етди. Бу кўрсаткич йил бошидаги 55,1 миллиард доллардан ошган, жисмоний олтин ҳажми эса 12,6 миллион трой унсиядан 13,1 миллион трой унсияга кўтарилган. Қийматнинг ўсишига халқаро бозор нархларининг кўтарилиши сабаб бўлган. Марказий банк олтинни иқтисодий беқарорлик ва геосиёсий хавфлар даврида стратегик ҳамда ишончли актив деб баҳолаган.
2026 йилнинг 1 март ҳолатига кўра, Ўзбекистон олтин захиралари қиймати 67,7 миллиард долларга етди. Бу кўрсаткич йил бошидаги 55,1 миллиард долларга нисбатан анча ошган.
Марказий банкнинг берган маълумотларига кўра, шу даврда жисмоний олтин ҳажми 12,6 миллион трой унциядан 13,1 миллион трой унцияга кўтарилди. Халқаро бозор нархларининг ўсиши эса захиралар қийматини сезиларли даражада оширишга олиб келди.
Регулятор таъкидлашича, олтин иқтисодий беқарорлик ва геосиёсий хавф даврида стратегик, ишончли ва хавфсиз актив сифатида хизмат қилади. У юқори ликвидга эга, кредит ёки қарздорлик хатарига дуч келмайди ва инфляция ҳамда валюта қадрсизланишига нисбатан табиий ҳимоя воситаси ҳисобланади. Маълумот учун, трой унция қимматбаҳо металлар (олтин, кумуш, платина, палладий) учун стандарт ўлчов бўлиб, 31,1035 граммга тенг ва банк ишларида, заргарлик буюмлари ҳамда фонд биржаларида қўлланилади.
Изоҳлар 0
…