Мамлакатда биринчи чоракда 63 трлн сўмдан ортиқ солиқ йиғилди
Ўзбекистонда 2026 йилнинг биринчи чорагида солиқ тушумлари 63,6 триллион сўмни ташкил этиб, ўтган йилнинг мос даврига нисбатан 24 фоизга ошди. Энг катта тушум 20,4 триллион сўм билан фойда солиғи ҳиссасига тўғри келди ва бу йўналиш 43 фоизга кўпайди. Шунингдек, ҳисобот даврида қўшилган қиймат солиғи 12,5 триллион сўмни, жисмоний шахслар даромад солиғи 10,7 триллион сўмга етди.
Ўзбекистонда 2026 йилнинг биринчи чорагида солиқ тушумлари 63,6 триллион сўмни ташкил этди. Солиқ қўмитаси маълумотига кўра, бу ўтган йилнинг шу даврига нисбатан 24 фоизга юқори кўрсаткич ҳисобланади.
Энг катта тушум фойда солиғи ҳиссасига тўғри келган бўлиб, ушбу йўналишда 20,4 триллион сўм йиғилган. Бу кўрсаткич 2025 йилнинг биринчи чорагига нисбатан 43 фоизга ошган. Шунингдек, қўшилган қиймат солиғи тушуми 12,5 триллион сўмни ташкил этиб, 27 фоизга кўпайган.
Жисмоний шахслар даромад солиғи 10,7 триллион сўмга етган. Ер қаъридан фойдаланганлик учун солиқ тушумлари 6 триллион сўмни, акциз солиғи эса 4,6 триллион сўмни ташкил этган. Солиқ қўмитаси маълумотига кўра, ишлаб чиқариш корхоналари қарийб 42 триллион сўм, хизмат кўрсатиш соҳаси эса 10,8 триллион сўм солиқ тўлаган.
Изоҳлар 0
…