Air India экипаж аъзоларидан 125 кишини ортиқча вазни учун учишдан маҳрум қилади

Ҳиндистоннинг Air India авиакомпанияси 125 нафар стюардесса ва стюардларни ортиқча вазнга эгалиги учун учишдан четлаштиради.

Бу ҳақда душанба куни PTI ҳинд агентлиги компанияга асосланиб хабар бермоқда. Ўтган йили компания 600 нафар экипаж аъзоларига фаолиятини компанияда давом эттириши учун озишни маслаҳат берган эди. Маслаҳат берилган ходимлардан 125 нафари мазкур талабдаги оғирликкача ўз вазнини тушира олмаган. Шунинг учун уларни учишдан маҳрум қилишга тўғри келмоқда.

Ушбу ходимларнинг бир қисми бошқа учиш билан боғлиқ бўлмаган бўлинмага ўтади ва маълум қисми ишдан бутунлай бўшатилиши мумкин.

Талабга кўра, экипаж аъзолари тана оғирлиги эркаклар учун 18-25, аёллар учун 18-22 этиб белгиланган.

Айни вақтда Air India давлат авиакомпаниясида 3500 экипаж аъзолари ишлайди ва улардан 2200 нафари доимий ишчилар, қолгани шартнома асосида фаолият юритишади. «Замин»ни Telegram’да ўқинг!