Ригадаги Ўзбекистон элчихонаси кўмаги билан Латвиянинг «ELBI» компанияси Сирдарё вилояти Мирзаобод туманидаги фермерлар етиштирган қовунларни Латвия бозорига етказиб беришни бошлади. Бу ҳақда «Дунё» АА хабар берди.
Латвиянинг «ELBI» компанияси 1992 йилда ташкил этилган бўлиб, мева ва сабзавотларни Европа бозорига импорт қилувчилар қаторида етакчилардан бири ҳисобланади. Хусусан, компания маҳсулотларни Рига ва Латвиянинг бошқа минтақалари, шунингдек, Эстония ва Литва давлатларидаги дўконлар, супермаркетларга етказиб беради. Илғор технологиялардан фойдаланган ҳолда Европа ишлаб чиқарувчилари, шунингдек, Аргентина, Жанубий Африка, Чили, Миср ва бошқа мамлакатлар маҳсулотларини ҳам импорт қилади.
Бу гал Сирдарё қовунлари Ўзбекистон қишлоқ хўжалиги маҳсулотларини Европа бозорига ишончли етказиб берувчи “Red Pack” компанияси томонидан экспорт қилинди.
Элчихонанинг импортёр компания маълумотига асосланиб хабар беришича, қовунлар “Maxima” ва “RIMI” сингари Болтиқбўйининг йирик чакана савдо дўконларида, шунингдек, Рига марказий бозорида сотилади.
Болтиқбўйи мамлакатлари импортчилари Ўзбекистондан кенг турдаги маҳсулот турларини узлуксиз етказиб берилиши ва коронавирус инфекциясининг тарқалиши билан боғлиқ вазиятга қарамасдан Ўзбекистон ишлаб чиқарувчиларининг янги бозорларни кашф қилишга бўлган интилишини юқори баҳолашмоқда.
«ELBI» бошқаруви раиси Сергей Куликов таъкидлаганидек, унинг компанияси ҳафтасига қовун импортини 200-300 тоннагача ошириш ниятида.
Ўзбекистоннинг Ригадаги дипломатик ваколатхонаси савдо-иқтисодий алоқалар сезиларли даражада ўсганини, Ўзбекистон билан Латвия ўртасидаги ишбилармонлик алоқалари жадал ўсаётганини, алоқаларни янада институционал тарзда ташкил қилиш фаол ривожланаётганини қайд этди. Хусусан, яқин келажакда Ўзбекистон томонидан Савдо-саноат палатаси ва Латвия томонидан Иш берувчилар конфедерацияси иштирокида Ўзбекистон-Латвия ишбилармон доиралар ҳамкорлик кенгашини ишга тушириш режалаштирилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Халқаро жиноят судининг ордери Исроилни нега қўрқитяпти?
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
2026 йилда бўлажак мундиалнинг фаворитлари рейтинги тақдим этилди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Италия суди Қуддус Исроил пойтахти эмаслиги ҳақида қарор чиқарди
22 ноябрь куни Cobalt автомобилига шартнома очилиши эълон қилинди
