Андижонда темирйўл станцияси бошлиғи қўлга олинди

^{Фото: Президент матбуот хизмати.}
Бош прокуратура ҳузуридаги Департамент ҳамда ДХХнинг Андижон вилояти бошқармалари томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган.

«Қўқон минтақавий темир йўл узели» УКнинг «Андижон-1» станцияси бошлиғи М.М. «P.t.» МЧЖга аҳолига арзон нархларда кўмир етказиб беришда темир йўл харажатлари учун имтиёз берилганлигидан фойдаланиб, МЧЖ иш юритувчиси Д.З.га гўёки имтиёзлардан фойдаланишда кўмаклашиш эвазига 1 500 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда. «Замин»ни Telegram’да ўқинг!