Тошкент вилоятида ноқонуний қурол олиб кириш ҳолати аниқланди
Тошкент вилоятидаги «Навоий» божхона пости ходимлари декларацияда кўрсатилмаган қурол ва ўқ-дориларни олиб киришга бўлган икки уринишни аниқлади.
Биринчи ҳолатда фуқаронинг юклари орасидан КРАЛ АРМС русумли милтиқ ва 44 дона СПОТХОН патрони топилган. Иккинчи ҳолатда эса РEТАЙ Г19К русумли тўппонча ҳамда 30 дона Кайсер патрони олиб қўйилган.
Мазкур буюмлар божхона декларациясида қайд этилмаган. Ҳар икки ҳолат юзасидан тергов ҳаракатлари олиб борилмоқда.
«Қурол тўғрисида»ги қонунга кўра, Ўзбекистон Республикаси ҳудудига махсус воситаларни олиб кириш ва уларни транзит тарзда олиб ўтиш фақат расмий рухсатнома асосида амалга оширилиши мумкин.
Zamin AI билан мухокама килингЯнгиликни тахлил килинг, фойдали маслихатлар олинг
Изоҳлар 0
…