Бундан 90 миллион йил аввал сайёрамизда яшаган йиртқич динозавр илк бор Жанубий Америкада эмас, балки Марказий Осиёда пайдо бўлган экан.
Россия Фанлар академиясининг Зоология институти палеонтологлари томонидан олиб борилган тадқиқотлар якунида шундай хулосага келинди.
“Халқ сўзи” нашри хабарига кўра, Ўзбекистонда топилган альваресзаврид деб номланувчи судралиб юрувчи қолдиқлари нафақат Аргентинада ковлаб олинган шу турдаги ҳайвон суяклари каби қадимий, балки эволюцион жиҳатдан кўпроқ ривожланган ҳамдир.
Аниқланишича, Ўзбекистонда топилган динозавр панжалари мукаммалроқ жойлашган. Унинг оёқлари тез югуришга яхшироқ мослашган. “Шундан келиб чиқадики, бу турдаги ҳайвонлар Осиёда юзага келган, унинг маълум бир авлоди эса Жанубий Америкага кириб борган”, — дейди РФА Зоология институти лаборатория мудири Александр Аверьянов.
У яна “сариқ қитъа”да океан ортидагига нисбатан альваресзавридларнинг турлари кўпроқ учраганини қайд этиб ўтди. Мазкур топилма олимларга материклар ҳаракатини ўрганиш учун ёрдам бериши мумкин.
Эслатиб ўтамиз, мамлакатимизда ушбу динозавр қолдиқлари 1997-2006 йилларда олиб борилган экспедиция пайтида қўлга киритилган эди.
Маълумот учун, альваресзавридлар бўйи икки метрдан ошмаган, икки оёқли, узун думли жонзотлар бўлиб, ҳашаротлар личинкалари билан озиқланган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ Исроилнинг икки вазирига санкция қўлламоқчи
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
Буйрак саломатлиги учун энг фойдали сабзавот...
АҚШ ҳарбийлари орасида ўз жонига қасд қилиш кўпайди
Боррел ЕИнинг Исроил билан мулоқотини тўхтатишни таклиф қилди
Яхши пишган ва мазали анор танлашга ёрдам берадиган тавсиялар
