Фото: Мақсуд Музаффаров
Қашқадарё вилоятининг Қамаши туманида синчков ҳайдовчи ЙПХ инспекторини жарима тўлашга мажбур қилди, дея хабар берди «Дарё» нашри.
Маълум бўлишича, 2020 йил 14 июль куни Қамаши туманида хизмат олиб бораётган ЙПХ инспектори Баҳодир Эргашев шахсий автомобилини тўхташни тақиқловчи 3.27 йўл белгиси бор жойда қолдирган. Буни кўрган бошқа ҳайдовчи эса автомобиль тақиқловчи белги ўрнатилган жойда турганини тасвирга олиб, интернетга жойлаган.
— Shukhrat (@bankir2102) July 29, 2020
«ЙПХ инспектори Қамаши туманида хизмат олиб бораётган пайтда ҳайдовчилардан қоидани бузмасликни сўраётганди. Ва қоидабузарликлар учун жарима ёзаётганди. Ҳолбуки, ўша пайтда ўзининг шахсий автомобили тўхташни тақиқловчи белги таъсирида қолдирилганди. Мен эса ЙПХ инспекторининг ўзи ҳам йўл қоидасини бузганини кўрсатиш учун унинг автомобилини тасвирга олдим», — дейди видео муаллифи, қашқадарёлик блогер Мақсуд Музаффаров.
Блогер Мақсуд Музаффаров ЙПХ инспекторининг қоидабузарлигини тасвирга олиб, видеони Telegram каналида жойлайди. Мазкур видеога эътибор қаратган Ички ишлар вазирлиги ЙҲХББ ахборот хизмати эса ЙПХ инспектори жаримага тортилганини маълум қилди.
Фото: ЙҲХББ ахборот хизмати
«2020 йилнинг 28 июль куни ижтимоий тармоқда Nexia русумли, 70 J 989 ОА давлат рақам белгили шахсий транспорт воситаси 3.27 — ‘Тўхташ тақиқланган’ йўл белгиси таъсир доирасида қолдириб кетилгани тасвирланган ва ушбу автомобиль ЙПХ ходимига тегишли эканлиги айтилган видеолавҳа тарқалди. Видеолавҳа ўрганилди. Nexia ҳайдовчиси Қашқадарё вилояти, Чироқчи тумани ИИО ФМБ ЙҲХБ катта инспектори Б.Эргашевга нисбатан белгиланган тартибда чора кўрилди», — дейилади ЙҲХББ ахборот хизмати хабарида.
Эслатиб ўтамиз, қонунчиликка кўра транспорт воситалари ҳайдовчиларининг тўхташ ёки тўхтаб туриш қоидаларини бузиши базавий ҳисоблаш миқдорининг уч баравари миқдорида жарима солишга сабаб бўлади. Худди шундай ҳуқуқбузарлик маъмурий жазо қўлланилганидан кейин бир йил давомида такрор содир этилса базавий ҳисоблаш миқдорининг беш баравари миқдорида жарима ёзилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Германиянинг Knauf компанияси Россиядан бутунлай чиқиб кетишини тасдиқлади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Академик Қодир Ғуломов Қўшработда бўлди
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Футзал. Осиё Кубоги. Тожикистон Японияни гуруҳда қолдирди