Кўчмас мулк учун кадастр паспорти қанчада тайёр бўлади?

АОКА ҳузуридаги штабда Адлия вазирлиги матбуот котиби Севара Ўринбоева иштирокида ўтказилган брифингда аҳолидан тушган саволларга жавоб қайтарилди.

— Кўчмас мулкимга кадастр паспортини олмоқчи эдим. Яқинда кадастр паспортини бериш бўйича янги тартиб жорий этилди деб эшитдим. Бу бўйича қаерга мурожаат қилсам бўлади ва кадастр паспорти нечи кунда тайёр бўлади?

— “Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида”ги Ҳукумат қарори билан Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламенти тасдиқланди.

Ариза берувчи кадастр паспортини олиш учун Давлат хизматлари марказига ўзи келиб мурожаат этади ёки Ягона интерактив давлат хизматлари порталида рўйхатдан ўтади.

Кадастр паспортини тайёрлаш кучмас мулкни турар жойга оид қисми бўйича қуйидаги муддатларда амалга оширилади:
- кўп квартирали уйдаги квартира – 3 иш кунигача;
- якка тартибдаги турар жой – 5 иш кунигача. «Замин»ни Telegram’да ўқинг!