“Рома”ни қутқара олмаган Шомуродов ва бошқаларнинг ўйини қандай баҳоланди?

Клаудио Раньери бошқарувига ўтганидан кейин ўйини кучайган “Рома”нинг Европа лигасидаги юриши нимчорак финалда тўхтади.

Бу босқичда Бильбаонинг “Атлетик” клубига тўқнаш келган римликлар биринчи учрашувда Элдор Шомуродовнинг голи эвазига 2:1 ҳисобида ғолиб чиққани боис, мусобақани давом эттириш имконияти бор эди.

Лекин Испаниядаги ўйин Клаудио Раньери шогирдлари учун ўта омадсиз бошланди. Тажрибали ҳимоячи Матс Хуммельс 11-дақиқадаёқ майдондан ҳайдалиб кетди.

“Атлетик” бир киши кам бўлиб қолган рақибни таслим қилишга қийналгани йўқ.

Клаудио Раньери ўйинни қутқариш мақсадида қатор ўзгаришларга қўл урди ва Элдор Шомуродовни 61-дақиқада майдонга туширди. Легионеримиз ҳарчанд уринмасин жамоаси 1:3 ҳисобида ютқазиб, мусобақани тарк этди.

“Рома” фаолиятини ёритиб келаётган laroma24.it сайти римлик футболчиларнинг Бильбаодаги ўйинини қуйидагича баҳолади.

СВИЛАР 6.5:
Қўлдан келганича, жамоасини голлардан қутқаришга ҳаракат қилди. Бироқ “Атлетик” босими қаршисида уч марта ожиз қолди.

МАНЧИНИ 5.5:
Ҳимоядаги вазифаларини тўлиқ бажара олгани йўқ. Рақибни тўхтатиш учун имкониятидан юқорироқ ўйнаши керак эди.

ХУММЕЛЬС 3:
Катта хато.

НДИКА 5.5:
Бу ўйинда қаҳрамонлар керак эди. Ндикани улар қаторига қўшиб бўлмайди.

РЕНШ 6:
“Рома” ҳимоячилари орасида шу футболчи нисбатан яхши ўйнади. Лекин бу натижага камлик қилди.

КРИСТАНТЕ 5:
Стандарт вазиятларда хавфли ўйинчига айлана олди. Бироқ Нико Уильямсга қарши ҳеч нарса қилолмади.

ЭЛ-ШААРАВИ 6.5:
Ўйин охирида майдонга тушиб, пенальти ишлади.

ПАРЕДЕС 5.5:
Асабий ўйнади, ҳимояланиш қобилияти етишмади. Пенальтини аниқ бажарди холос.

АНЖЕЛИНО 5:
Вазият унга қарши ишлади. Ўз даражасида ўйнай олгани йўқ.

ДИБАЛА 5.5:
Рим халоскорига айлана олмади. Вазиятни ўзгартиришга кучи етмади. 61-дақиқада ўрнини Элдор Шомуродовга бўшатиб берди.

ШОМУРОДОВ 6:
Майдонга тушиши билан “Атлетик” дарвозасига хавф солди. Элдорнинг зарбасини рақиб посбони қайтариб қолди. Жамоани жонлантирди. Бироқ унинг ҳаракатлари ҳам вазиятни ўнглашга камлик қилди.

БАЛЬДАНЦИ 6:
Учрашувга ижобий таъсир ўтказишга ҳаракат қилди. Лекин мақсадига етолмади. 61-дақиқада ўрнига Пизилли тушди.

ПИЗИЛЛИ 5.5:
Ўйинга қўшилиши билан Элдор Шомуродовни тезкор қарши ҳужумга чиқариб юборганини айтмаганда, ҳеч нарса қила олмади.

ДОВБИК 4,5:
Ўйиндан четда қолди.

СУЛЕ 5.5:
53-дақиқада Довбик ўрнига майдонга тушди. Дриблинглари “Атлетик” дарвозаси олдида хавфли вазият яратишга камлик қилди.

РАНЬЕРИ 5:
Ўйинга тузган режасини 11-дақиқадаёқ Матс Хуммельс чиппакка чиқарди. Тажрибали мураббий учрашув натижасини ўзгартирадиган тактика топа олмади. “Замин” янгиликларини “Telegram”да кузатиб боринг