Ҳасанбой ўрнига укаси? Хабаровскда қизиқ ҳолат

Россиянинг Хабаровск шаҳрида ўтаётган бокс бўйича хотира турнирида Ҳасанбой Дўсматов ва унинг укаси Фарёзбек Дўсматов ўзаро тўқнашиши керак эди.

54 кг вазн тоифасидаги ушбу тўқнашув жуда ҳам кутилган жанглардан бири бўлган. Аммо ташкилотчилар маълум қилишича, икки карра Олимпиада чемпиони Ҳасанбой жангдан бош тортган. Шу боис, ғалаба техник йўл билан Фарёзбекка берилди.

Эслатиб ўтамиз, ушбу тоифада Қозоғистон шарафини 2020 йилги Олимпиада бронза медали соҳиби Сакен Бибосинов ҳимоя қилмоқда. У ҳам ўзбекистонлик боксчилар учун жиддий рақиб ҳисобланади.