Нурсултон Рўзибоев UFC 256 да октагонга чиқади: рақиби – Штольцфус

17 май куни АҚШнинг машҳур Лас-Вегас шаҳрида катта қизиқиш уйғотаётган "UFC Fight Night 256" турнири бўлиб ўтади. Ушбу турнир нафақат жаҳон ММА мухлислари учун, балки юртдошларимиз учун ҳам алоҳида аҳамият касб этади. Сабаби – ўзбекистонлик ММА жангчиси Нурсултон Рўзибоев навбатдаги жангида октагонга кўтарилади.

Унинг рақиби — мезбонлар вакили, тажрибали UFC файтери Дастин Штольцфус бўлади. Мазкур тўқнашув ўрта вазн тоифасида кечади ва турнирнинг асосий кардидан жой олган.

Асосий карддаги тўлиқ жанглар рўйхати:
- Ярим ўрта вазн: Гилберт Бёрнс – Майкл Моралес
- Ярим оғир вазн: Пол Крэйг – Родолфо Беллато
- Ярим енгил вазн: Содиқ Юсуфф – Майрон Сантос
- Ўрта вазн: Нурсултон Рўзибоев – Дастин Штольцфус
- Ярим енгил вазн: Жулиан Эроса – Мелкизаэл Коста

Прелим жанглар тартиби:
- Енгил вазн: Матеус Камило – Габриэль Грин
- Енгил вазн: Тиаго Мойзес – Жаред Гордон
- Ярим енгил вазн: Ядиер Дель Валле – Коннор Мэттьюс
- Аёллар ўта енгил вазн: Луана Сантос – Тайнара Лисбоа
- Аёллар супер енгил вазн: Дениз Гомес – Элис Рид
- Супер енгил вазн: Карлос Эрнандес – Юн Сун Пак
- Аёллар супер енгил вазн: Луана Пиньейро – Тиша Пеннингтон

Рўзибоев учун навбатдаги синов

Нурсултон Рўзибоев учун бу жанг навбатдаги юқори босқич ҳисобланади. Унинг UFC октагонидаги илк иштироки ютуқли бошланган ва ушбу жангда ҳам ўзини яна бир бор намоён этиши кутилмоқда. Штольцфус эса кучли рақиб сифатида тан олинади ва бундай тажрибали файтерга қарши ғалаба ўзбекистонлик спортчининг нуфузини янада оширади.

Zamin.uz таҳририяти юртдошимиз Нурсултон Рўзибоевга омад тилайди ва унинг ҳар бир ҳаракати билан жонли тарзда қизиқиб боришда давом этади. UFC 256 – бу нафақат жанг кечаси, балки ўз тарихини яратиш пайти! «Замин»ни Telegram’да ўқинг!