“Реал Мадрид” тарихида янги саҳифа очилди. Жаҳон футболи афсоналаридан бири, собиқ футболчи ва истиқболли мураббий Хаби Алонсо энди “қаймоқранглилар”ни бошқаради. Унинг қўл остидаги илк расмий ўйин 18 июнь куни Клублар ўртасидаги Жаҳон чемпионати доирасида бўлиб ўтади. Рақиб — Саудия Арабистонининг амбициоз ва катта сармояга эга клуби “Ал-Ҳилал”.
Бироқ, ўйиндан аввалроқ, Алонсо жамоа ичида қатъий ва аниқ тартиб қоидаларни белгилаб улгурди. Испаниянинг “Cadena SER” радиоси орқали журналист Хавьер Эрраес тарқатган маълумотга кўра, Хаби Алонсо футболчиларга жуда очиқ ва қатъий хабар юборган:
“Ким югурмаса ва бор кучини майдонда қолдирмаса — ўйнамайди. Исмлар мени қизиқтирмайди.”
Яъни, янги мураббий учун кимнинг қандай юлдузлик даражасига эгалиги муҳим эмас. Фақат ва фақат меҳнат, интизом ва майдондаги фидойилик эътиборда бўлади. Бу сўзлар орқали Алонсо “Реал”да “комфорт зонаси”га ўрнашиб олган айрим юлдузларга даҳлли сигнал юборган бўлиши мумкин.
Унинг яна бир қатъий таъкидлашича:
“Сиз шунчаки тўп келиши ва уни голга айлантириш учун кутавермаслигингиз керак. Ҳар бир вазият учун курашиш, ҳар бир тўп учун ҳаракат қилиш зарур.”
Бу йўл “Ливерпуль”, “Бавария” ва Испания терма жамоасида чемпионликлар кўрган Алонсо услубига хос. Унинг услуби — жамоавий интизом, интеллектуал ўйин ва 90 дақиқа давомида тинимсиз ҳаракат. Демак, “Реал” футболчилари энди майдонда “отдушина” излаш ўрнига, ҳар бир вазият учун тўлиқ фидойи бўлиши талаб этилади.
Хаби Алонсонинг айрим футболчилар билан алоҳида мулоқот ўтказгани ва уларга келгуси мавсумдаги ўрни учун кураш керак бўлишини айтгани ҳам хабар қилинди. Шунингдек, у академиядан чиққан ёш футболчиларни асосий таркибга жалб қилиш тарафдори эканлигини ҳам билдирган.
Эслатиб ўтамиз, янги мавсум бошланишидан аввал Карло Анчелотти Бразилия терма жамоасига раҳбарлик қилиш учун Мадридни тарк этди. Унинг ўрнини эгаллаган Хаби Алонсо эса Германияда “Байер” билан ажойиб натижаларга эришган, жумладан, Бундеслига чемпиони бўлган ва Европа Лигасининг финалигача етаклаган.
Энди эса унинг олдида тарихий вазифа — дунёдаги энг машҳур клублардан бири “Реал Мадрид”ни янги даврга етаклаш турибди.
Биринчидан, бу — жисмоний тайёргарлик ва интизом бўйича янги стандартлар. Иккинчидан, майдонда фақат исм билан эмас, иштиёқ ва ҳаракат билан ўйнаш керак бўлади. Футболчиларга қўйилган бу қатъий талаблар “Сантьяго Бернабеу”да янги давр бошланганидан дарак беради. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
