09:45 / 23 декабря 2016
4 424

ФИФА рейтинги: Ўзбекистон 62-ўринда қолди

ФИФА рейтинги: Ўзбекистон 62-ўринда қолди
ФИФА расмий сайтида терма жамоаларининг янги рейтинг жадвалини эълон қилди. Унга кўра, Ўзбекистон миллий терма жамоаси 62-ўринда қолди.

Ўзбекистон Осиё Футбол Конфедерациясига аъзо мамлакатлар терма жамоалари орасида 6-ўринни эгаллаб турибди. Эрон аввалги ойдагига нисбатан бир поғона кўтарилган ҳолда (29-ўрин), Осиё жамоалари орасида етакчиликни ўзида сақлаб турибди. Жанубий Корея ҳамда Япония терма жамоаси ўз ўринида қолган ва улар ҳамон 37 ва 45-ўринларда. Австралия бир поғона юқорилаб, 47-ўринни эгаллаган бўлса, Саудия Арабистони 2 ўрин юқорилагаб, 54-ўринни эгаллаган. Жаҳон Чемпионати саралашининг учинчи босқичида Ўзбекистон билан бир гуруҳдан ўрин олган жамоалар қуйидаги поғоналарни эгаллаган:

Хитой — 82-ўрин,

Қатар — 87-ўрин,

Сурия — 96-ўрин.

Жаҳоннинг умумий рейтингида ҳамон Аргентина етакчилик қилмоқда. Иккинчи ўринни Бразилия эгаллаб турган бўлса, учинчи ўриндан Германия жой олган.

босқичида турибди Футбол Бразилия Сурия эълон
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)