Ўзбекистон миллий терма жамоаси бу йил тарихда илк бор ФИФА Жаҳон чемпионати йўлланмасини қўлга киритди. Бу улкан ютуқ мамлакат футболида янги саҳифа очган бўлса, эндиликдаги асосий вазифа — мундиалга пухта ҳозирлик кўриш ва мусобақада муносиб иштирок этиш. Шу мақсадда Ўзбекистон футбол ассоциацияси Жаҳон чемпионати каби йирик турнирларда тажриба тўплаган мутахассислар номзодини атрофлича ўрганди ва мураббийлар кенгаши хулосаларига таянган ҳолда Фабио Каннаваро билан шартнома тузишга киришган эди.
Бугун Миллий футбол марказида Каннаваро билан шартнома расман имзоланди. Учрашувда таъкидланишича, мутахассис ва унинг штаби узоқ таҳлил, скаутинг ва ўтмиш тажрибаси асосида танланган. ЎФА раҳбарияти италиялик мураббийнинг йирик турнирларда орттирган маҳорати ва бошқарув услуби орқали миллий жамоа билан муваффақиятли натижалар қўлга киритилишига ишонч билдирди.
Каннаваро биринчи баёнотида кутилганидек масъулиятни ҳис этди:
Каннаваро ким ва нимаси билан қиммат?
-
Футболчи сифатида: Италия терма жамоаси билан ЖЧ–2006 чемпиони, ўша йилда «Олтин тўп» соҳиби, ФИФА талқинида «Йил футболчиси».
-
Мураббий сифатида: Хитой терма жамоаси, «Ан-Насср» (САА), «Тянцзин Қуанзян», «Гуанчжоу Эвергранд», шунингдек Италияда «Беневенто», «Удинезе», Хорватияда «Динамо Загреб»да ишлаган.
Унга қуйидаги мутахассислар ёрдам беради:
-
Эугенио Альбарелла — ёрдамчи мураббий (Япония термаси, «Ювентус», «Удинезе», «Динамо Загреб» тажрибаси);
-
Чиччо Троизе Франсеско — жисмоний тайёргарлик бўйича мураббий («Беневенто», «Удинезе», «Динамо Загреб»);
-
Антонио Кименти — дарвозабонлар мураббийи (Италия ёшлар термаси, «Сампдория», «Спал»).
Нима кутамиз?
Ядровий таркиб сақланган ҳолда рақобатни кучайтириш, рақибга қараб тактик мослашув, стандарт вазиятлар самарадорлигини ошириш ва ички селекцияни жонлантириш — яқин истиқболдаги асосий йўналишлар. Мақсад очиқ: мундиалда муносиб ўйин ва плей-оффга йўл.
Қисқача айтганда, символик саҳифа ёпилди, янги боб бошланди. Эндиликда барча баҳолар майдонда берилади — жамоа ишонч, интизом ва натижа билан гапиради.
“Zamin”ни Telegram'да ўқинг!
