Франция терма жамоаси ҳужумчиси Килиан Мбаппе ҳимоячи Даё Упамекано келажаги ҳақида ўз фикрларини билдирди. Аввалроқ Мбаппе "Реал" клубидан Упамеканони сотиб олишни сўрагани ҳақида хабарлар тарқалган эди.
Упамеканонинг "Бавария" билан амалдаги шартномаси жорий мавсум охирида якунга етади. "Мен Упамеканони ўз томонимга оғдиришга ҳаракат қиляпманми?
У ҳозир жуда яхши формада, буюк бир клубда ўйнаяпти. Деярли ундан яхшиси йўқ...
лекин яхшироқ клублар ҳам бор," – дея ҳазил қилди Мбаппе матбуот анжуманида. "Аммо мен бу масалага аралашмоқчи эмасман – унинг клубига ҳурматим туфайли ва унга қўшимча босим ўтказмаслик учун." "Агар бу мавсумнинг энг яхши ҳимоячилари ҳақида гап кетса, Упамекано шубҳасиз бу рўйхатда.
У юқори прессингда, яккама-якка курашларда ва ҳужумларни бошлашда жуда кучли," – деди Франция терма жамоаси сардори. Чоршанба куни Франция терма жамоаси Украина билан 2026 йилги Жаҳон чемпионати саралаш ўйинида майдонга тушади.
Меҳмон гуруҳидаги фойдаланувчилар ушбу мақолага изоҳ қолдира олмайди.
